Оваа практична обука е наменета за професионалци кои секојдневно работат со документи и сакаат да ја зголемат својата продуктивност преку примена на вештачка интелигенција. Програмата е дизајнирана за правни служби, човечки ресурси, тендерски и проектни канцеларии, регулаторни оддели и административен персонал. Учесниците ќе научат како да користат AI за истражување, подготовка на документи, анализа на информации, сумирање содржини и преглед на документација.
Обуката започнува со основите на безбедната и одговорна употреба на AI, вклучувајќи GDPR, заштита на податоци и основите на EU AI Act. Потоа продолжува со практична примена на AI за истражување, подготовка и ревизија на документи, како и користење на AI директно во Word и другите Office апликации.
Преку реални примери, демонстрации и практични вежби, учесниците ќе стекнат вештини кои можат веднаш да ги применат во својата работа. Ќе научат како побрзо да подготвуваат документи, да извлекуваат клучни информации од големи количини текст, да создаваат извештаи и да го подобрат квалитетот и конзистентноста на деловната документација.
Обуката не бара техничко предзнаење и е наменета за сите деловни корисници кои сакаат практично да ги применат AI алатките во секојдневните процеси поврзани со документи и информации.
Модул 1: Основи на безбедна и одговорна употреба на AI
Запознавање со принципите на функционирање на AI алатките, разликите помеѓу јавни и корпоративни AI решенија и основните правила за безбедно користење на податоци. Во рамки на модулот се обработуваат GDPR принципите, заштитата на чувствителни информации и основите на EU AI Act. Учесниците ќе научат кога и како може безбедно да се користи AI во работна средина и како да ги проценуваат потенцијалните ризици.
Модул 2: AI за истражување и анализа на информации
Користење на AI за побрзо пронаоѓање, организирање и сумирање информации од различни извори. Учесниците ќе научат како да поставуваат ефективни барања, да добиваат структурирани одговори, споредби и резимеа, како и како да ја проверуваат точноста на добиените информации пред нивна употреба во деловна документација.
Модул 3: AI за подготовка, сумирање и ревизија на документи
Практична примена на AI при подготовка на први верзии на документи, извештаи, политики, процедури и други деловни материјали. Учесниците ќе научат како да сумираат обемни документи, да извлекуваат рокови, обврски и ризици, како и да прилагодуваат содржина за различни публика и намени. Дополнително ќе научат како AI може да помогне во проверка на конзистентност и квалитет на документите.
Модул 4: Користење на AI во Word и Microsoft 365
Запознавање со можностите на AI директно во Word и останатите Microsoft 365 апликации. Учесниците ќе научат како да креираат документи од кратки инструкции, да сумираат постоечки документи, да преработуваат текстови и да користат постоечки датотеки како основа за нова содржина. Фокусот е ставен на практична работа во алатките што корисниците веќе ги користат секојдневно.
Модул 5: Практична примена по оддели
Работа на реални сценарија специфични за правни служби, HR, тендерски и проектни канцеларии, регулаторни оддели и администрација. Учесниците ќе применат AI во комплетен процес: истражување, подготовка на документ, ревизија и финализација на содржината. Целта е да се демонстрира како AI може да се интегрира во реалните работни процеси на секој оддел.
Модул 6: Креирање квалитетни и конзистентни резултати со AI
Учесниците ќе научат како да создаваат повторно употребливи шаблони за барања, да обезбедат поконзистентни резултати и да избегнат вообичаени грешки при работа со AI. Ќе се обработат техники за подобрување на квалитетот на одговорите, проверка на факти и воспоставување добри практики за работа со AI во организацијата.
Модул 7: Напредни можности за автоматизација и AI решенија
Вовед во напредните можности што се надвор од класичното користење на AI преку разговор. Учесниците ќе се запознаат со концептите на автоматизација на процеси, AI агенти, интелигентна обработка на документи и автоматско генерирање документи од предефинирани шаблони и податоци. Целта е да препознаат кои процеси во нивната организација би можеле дополнително да се автоматизираат.
По завршување на обуката, учесниците ќе можат:
- Да користат AI безбедно и во согласност со интерните политики и регулативи
- Да применуваат GDPR принципи при користење AI алатки
- Да истражуваат и анализираат информации побрзо и поефикасно
- Да сумираат долги документи и да извлекуваат клучни информации
- Да подготвуваат први верзии на документи, политики, извештаи и процедури
- Да прилагодуваат содржина според различни целни групи
- Да користат AI директно во Word и Microsoft 365
- Да извлекуваат обврски, ризици и рокови од документација
- Да креираат шаблони за поефикасна работа со AI
- Да препознаваат процеси погодни за автоматизација и AI решенија
- Да применуваат AI во реални деловни процеси поврзани со документација
Материјали вклучени во обуката
Секој учесник добива прирачник со готови prompt-шаблони, пристап до практичните вежби и примерите од обуката, како и сертификат за учество.
Лиценца за AI алатка
Во цената е вклучена лиценца за AI алатка која се користи за времетраење на обуката. Обуката може да се реализира со соодветна генеративна AI алатка, при што учесниците ќе ги совладаат истите концепти и техники за ефективна примена на генеративна вештачка интелигенција во работната средина.
Уплата во готово со уплатница или дебитни картички