ReactJS е open-source JavaScript библиотека која се користи за развивање на еднострани мобилни и веб апликации, како и за повеќекратно употребливи елементи. Креаторот на ReactJS e Џордан Вок кој е софтверски инженер во Facebook, за чии потреби во 2011 година за прв пат се употребува оваа JavaScript библиотека.
Во 2012 година и Instagram започнува со употреба на ReactJS. Денеска, листата на корисници на ReactJS е многу поголема и ги вклучува Netflix, New York Times, Yahoo! и Dropbox. React има мошне активна заедница на корисници и одлична документација, и иако е малку тежок за учење, навистина вреди! Како дел од React проектот, Facebook го креираше React Native кој работи на истиот начин како и ReactJS, но се користи за креирање на мобилни апликации.
Главната цел на React е да биде брз, лесно прилагодлив и едноставен за имплементација со други JavaScript библиотеки и рамки како што е AngularJS. Функционира само на кориснички интерфејси во апликација, што одговара на MVC темплејтот.
Уплата во готово со уплатница или дебитни картички