Оваа програма е осмислена како сеопфатен пакет според патеката за учење за сите кои сакаат практично да ги совладаат најкорисните AI алатки што денес активно се применуваат во финансиските оддели. Пакетот обединува три меѓусебно поврзани обуки, со цел систематски да се опфатат сите релевантни аспекти на функциски насочената примена на AI. Во рамки на програмата се вклучени платени верзии на ChatGPT и Microsoft Copilot, што им овозможува на учесниците директно да работат со водечките алатки и да ги искусат најдобрите можности од двете најкористени алатки за лична и професионална употреба. Пристапот започнува со основи како ефективно промптирање, а потоа брзо преминува кон конкретни и применливи сценарија, како работа со AI агенти во ChatGPT и Copilot, примена на AI во финансиски процеси и напредна автоматизација и анализа во Excel. Целта е да се опфатат сите вештини кои се потребни за работа во финансиските гранки во модерното време со двете најчесто употребувани алатки.
ChatGPT
Учесниците ќе ги совладаат клучните вештини за ефикасно и безбедно користење на ChatGPT за да добијат најдобар резултат при работа и со сензитивни финансиски податоци. Фокус се става и на создавањето лични AI асистенти и нивна употреба за секојдневни работни задачи.
AI во Excel
Во Excel, учесниците ќе работат со Microsoft Copilot Pro (Excel Web) за автоматизација на анализа, генерирање напредни формули, чистење сетови на податоци и изработка Pivot табели и графикони. Програмата опфаќа и Agent Mode за автоматизација на повеќечекорни процеси—преку реални проекти што веднаш се применуваат во работа.
AI во финансии
Обуката обезбедува практична примена на AI во финансискиот сектор: внес и обработка на податоци, анализа на документи, буџетирање, финансиско предвидување, проверка на усогласеност со стандарди и политики, поддршка при одлучување и визуелизација/презентација на резултати. Фокусот е на мерливи придобивки: побрза анализа, помалку грешки и појасни увид(и) за тимовите.
Вкупен број на часови 30, каде се работат практични вежби и развој на агенти со платени верзии на двете алатки.
Ефикасна и безбедна употреба на ChatGPT и креирање на агенти
Модул 1: Вовед во ChatGPT и генеративна AI
Овој модул ги запознава учесниците со ChatGPT и основите на генеративната вештачка интелигенција. Се разгледува како AI може да ја подобри продуктивноста, креативноста и донесувањето одлуки, со акцент на одговорно и етичко користење.
Модул 2: Ефективно користење на ChatGPT за промптирање и секојдневни задачи
Овој модул ги комбинира основите на ефективното промптирање со практична примена на ChatGPT во секојдневната работа. Учесниците ќе научат како да го насочуваат ChatGPT преку дефинирање улоги, прилагодување на тон и стил, како и поставување прецизни дополнителни прашања за добивање поквалитетни одговори.
Модул 3: Вовед во ChatGPT агенти и прилагодени GPT модели
Овој модул го воведува концептот на ChatGPT агенти и прилагодени GPT модели. Учесниците ќе научат што се агенти, како функционираат, кои проблеми решаваат и како да креираат сопствени GPT агенти според конкретна улога, задача или процес. Фокусот е на дефинирање инструкции, однесување, тон и ограничувања за создавање конзистентни и сигурни AI асистенти.
Модул 4: Примена на ChatGPT агенти за автоматизација и персонализација
Овој модул се фокусира на практична примена на ChatGPT агенти во реални работни процеси. Учесниците ќе откријат како да користат сопствени и постоечки GPT агенти за автоматизација на задачи, поддршка на тимови, обработка на информации и персонализирање на AI искуството според бизнис или лични потреби.
Модул 5: Спроведување длабинско истражување со AI
Овој модул се фокусира на користење на ChatGPT за темелно истражување. Се опфаќаат техники за пронаоѓање, проверка и синтетизирање информации за комплексни теми со користење напредни стратегии за промптирање.
Модул 6: Креативност со Sora: Генерирање слики и видеа
Овој модул го истражува Sora, AI алатка за генерирање слики и видеа. Учесниците ќе откријат како да претвораат идеи во визуелна содржина, подобрувајќи го раскажувањето приказни, презентациите и креативните проекти.
Примена на АИ во Ексел
Модул 1: Основи на ВИ: Вовед во вештачка интелигенција (ВИ), машинско учење (ML) и големи јазични модели (LLM) и нивната улога во деловната интелигенција.
Модул 2: Вовед во Excel Copilot: Навигација низ интерфејсот, системски барања и извршување на првите команди.
Модул 3: Пишување ефективни команди: Пишување ефективни команди (prompts) со C-G-P (Контекст, Цел, Параметри) рамката и користење на итеративно внесување команди за подобрување на резултатите.
Модул 4: Основна анализа на податоци со помош на ВИ: Чистење податоци, анализа и визуелизација со помош на алатки за ВИ.
Модул 5: Напредни функции на Copilot: Генерирање логички формули (на пр. IF изјави), вршење чистење податоци (поправање формати, големина на букви) и креирање PivotТабели со природен јазик.
Модул 6: Вовед во Режим на агент (Agent Mode): Користење команди во повеќе чекори за автоматизирање на задачи во секвенца (на пр. пресметај, форматирај и сумирај во една команда).
Модул 7: Практични примени и проекти: 90-минутен завршен проект каде учесниците самостојно анализираат нов сет на податоци од почеток до крај.
Модул 8: Најдобри практики и решавање проблеми: Разбирање на критичната приватност на податоците, решавање вообичаени грешки и препознавање на ограничувањата на ВИ.
Примена на вештачка интелигенција во финансии
Модул 1: Употреба на AI алатки во финансии
Овој модул ги воведува учесниците во основите на вештачката интелигенција и нејзината примена во финансискиот сектор. Ќе се разгледа улогата и значењето на AI во модерните финансиски процеси, како и нејзините апликации, потенцијалните ризици, предизвици и регулативи. Дополнително, учесниците ќе научат како да креираат ефективни промптови за комуникација со AI алатки, што е основа за нивна успешна употреба.
Модул 2: Ефикасна употреба на Copilot и ChatGPT во финансиска евиденција и верификација
Во овој модул, учесниците ќе стекнат практични вештини за управување со финансиски податоци и следење на усогласеност на интерни постапки со финансиски документи преку Copilot и ChatGPT. Ќе се демонстрира како AI може да помогне во проверка и валидација на финансиски податоци содржани во завршна сметка (биланс на успех, биланс на состојба, фискални сметки, фактури итн.), со цел зголемување на точноста и ефикасноста во секојдневното работење.
Модул 3: Анализа, предвидување и стратешко одлучување со Copilot и ChatGPT
Овој модул е посветен на користење на AI алатки за деловна анализа и донесување стратешки финансиски одлуки. Учесниците ќе научат како да дефинираат и пресметуваат клучни KPI (ефикасност, ефективност, оптовареност), да вршат анализа на клучни финансиски документи (филанс на успех, биланс на состојба, бруто биланс, анализа на искористеност на човечки ресурси (billability)), да следат буџет и продуктивност, како и да креираат професионални извештаи и табели во Excel и PowerPoint.
Модул 4: AI агенти во Copilot
Завршниот модул се фокусира на AI агентите и нивната примена во бизнис средина. Ќе се објасни како функционираат AI агентите, како придонесуваат за зголемување на ефикасноста и продуктивноста, и ќе се истражи нивното трансформативно влијание врз современите бизнис процеси. Учесниците ќе добијат увид во практично креирање агенти преку Copilot Studio.
Оваа програма е наменета за млади луѓе кои влегуваат на пазарот на труд или се на почетокот на својата кариера и сакаат јасно да разберат како вештачката интелигенција се користи во реалниот професионален свет. Курсот е идеален за AInative генерацијата која веќе користи алатки како ChatGPT или Microsoft Copilot, но сака да премине од употреба на своја рака кон конкретни, професионални и вредни примени поврзани со својата идна или тековна работа.
Програмата е особено погодна за:
- студенти и апсолвенти по финансии, економија, бизнис, ИТ и сродни области
- млади финансиски, бизнис или дата аналитичари
- почетници во банкарскиот, осигурителниот и финтек секторот
- млади сметководители, ревизори и контролори
- junior проектни менаџери и консултанти
- млади професионалци во payroll и администрација
- претприемачи и стартап ентузијасти
- визионери кои сакаат да ја движат примената на вештачката интелигенција во компанијата
- сите оние кои сакаат да се истакнат со своите технички вештини
Програмата е наменета и за сите млади професионалци кои веќе се вработени и имаат пристап до алатки како ChatGPT или Microsoft Copilot, но не се сигурни како најдобро да ги искористат во контекст на својата улога. Фокусот е на пресекот помеѓу AI и професијата – како AI реално се користи во финансии, анализа, Excel и секојдневни работни процеси, а не само за општи или експериментални задачи.
Не е потребно претходно искуство со AI или програмирање. Потребна е основна дигитална писменост и познавање на алатки како Microsoft Excel и Microsoft 365. Програмата е осмислена да им помогне на младите луѓе побрзо да се издвојат на пазарот на труд, да работат попаметно и да изградат практични AI вештини релевантни за нивната кариера.
Практично совладување на најкористените AI алатки во финансии – ChatGPT и Microsoft Copilot Pro, преку реални задачи, студии на случаи и практични проекти.
Развивање на конкурентни AI вештини релевантни за финансиски оддели, анализа, ревизија, сметководство, банкарство, осигурување и консалтинг.
Знаење за безбедна и етичка работа со чувствителни финансиски податоци, користејќи напредни техники за промптирање и проверка.
Можност за брзо истакнување на пазарот на труд, со јасно демонстративни практични резултати (проекти, агенти, анализи) што директно се применуваат во CV/портфолио.
Самоуверено користење на AI во професионален контекст, наместо „ad-hoc“ употреба – учесниците учат како да ја интегрираат AI во секојдневните задачи, работни процеси и идни кариерапатишта.
Креирање сопствени AI агенти во ChatGPT и Copilot — персонализирани асистенти што автоматизираат секојдневни процеси.
Многукратно побрза работа во Excel, преку AI-генерирани формули, почисти податоци, автоматизација и продуктивни анализи.
Совладување на Agent Mode во Excel, што овозможува автоматизација на повеќечекорни процеси што инаку бараат рачна работа.
Подобрување на точноста во работа благодарение на автоматизирана валидација, проверка и обработка на документи, сметки и финансиски извештаи.
Користење на AI за длабинско истражување, синтетизирање информации и носење поквалитетни одлуки во пократко време.
Развивање напредни аналитички способности – KPI анализа, буџетско следење, финансиско планирање и предвидување со Copilot и ChatGPT.
Креирање професионални извештаи, табели и PowerPoint презентации со поддршка од AI, значително намалувајќи го времето за подготовка.
Подлабоко разбирање на улогата на AI во модерниот финансиски сектор, вклучувајќи ризици, регулативи, етички стандарди и најдобри практики.
Визуелно и креативно изразување со Sora, преку генерирање слики и видеа за презентации, аналитички прикази и комуникација со тимови.
Сертификат за посета на курс издаден од Семос Едукација.
Уплата во готово со уплатница или дебитни картички