Доделени дипломите на првата генерација на Академијата за управување со проекти и лидерство
Со доделувањето на дипломите на првата генерација слушатели 2025/2026, Академијата за управување со проекти и лидерство успешно го заокружи својот прв образовен циклус и го одбележа почетокот на нова заедница на професионалци подготвени за успешно водење проекти и тимови.
Преку практична настава, работа на реални сценарија и менторство од искусни професионалци, учесниците стекнаа знаења и вештини за успешно планирање, реализација и водење на проекти и тимови.
Во текот на програмата, слушателите работеа на развој на компетенции од областа на проектниот менаџмент, лидерството, деловната анализа, агилните методологии и примената на современи AI алатки во деловното работење, стекнувајќи практично искуство усогласено со актуелните потреби на пазарот.
Им честитаме на сите дипломци за успешно завршената програма и им посакуваме многу успех во нивниот понатамошен професионален развој. 🎓