Аналитики во HR

На овој курс ќе научите кои се изворите, концептот и техниките за собирање на податоци поврзани со човечкиот капитал.

Ќе ја разберете потребата за донесување на подобри бизнис одлуки, стекнување основни аналитички вештини и нивна примена, засновани на претходна аналитика на податоци.

Идентификување и креирање HR метрики и KPI’s во насока следење на сите процеси во HR одделот.

Користење модели на предиктивна аналитика, односно модели за предвидување на идни можни сценарија и случувања во доменот на HR.

• Основи на аналитика на податоци и применета во областа на човечките ресурси
• Еволуција и нивоа на HR аналитика
• Дефинирање на процес и креирање на организациска стратегија за примена на HR Аналитика
• Собирање на податоци поврзани со човечкиот капитал: извори, концепт и техники
• Вовед во Дескриптивна аналитика
• Идентификување и креирање на HR Метрики
• Вовед во Предиктивна аналитика
• Техники за визуелизација на податоци и креирање интерактивни (динамични) извештаи
• Презентација на интерактивни (динамични) извештаи

Овој курс е наменет за HR професионалците односно за оние кои работат во HR оддел или пак сакаат да ја градат кариерата во таа насока.

Во последните две декади електронско-информатичката револуција предизвика глобални и драстични промени во сите сфери на бизнис делување. Сведоци сме како функцијата – управување со човечки ресурси еволуира во чекор со технолошкиот напредок и  притоа се соочува со огромно количество на податоци, на сметка на корисна и важна информација која ја има сè помалку.

Овие трендови и предизвици им овозможуваат на HR професионалците огромен потенцијал и можност да применат аналитика на податоци во нивниот домен на делување.

Аналитиката на податоци од областа на човечките ресурси како еден аспект од бизнис-аналитиката подразбира широка употреба на статистички, квантитативни анализи и моделирања на податоци, се со цел донесување на подобри одлуки и управување со релевантни факти и сознанија поврзани со човечкиот капитал.

Аналитиките на човечкиот капитал е иновација во менаџментот на човечки ресурси, односно тоа се активности и практики дизајнирани да обезбедат поголема вредност за организацијата преку добивање на значајни информации за процесите на менаџментот со човечки ресурси, однесувањата на вработените и целокупниот организациски успех.

Како најважни придобивки, ги издвојуваме следниве:

• Разбирање на потребата за донесување на подобри бизнис одлуки засновани на претходна аналитика на податоци
• Стекнување основни аналитички вештини, кои претставуваат предуслов за успешна примена на HR аналитика
• Анализирање на организациска потреба, и одбирање соодветно ниво на аналитика кое би водело до потенцијално најголема бизнис вредност
• Препознавање на предизвиците пред кои стои HR функцијата во делот на аналитика на податоци во современи услови
• Креирање стратегија и акциски план во насока примена на HR аналитика во организацијата
• Идентификување и креирање HR метрики и KPI’s во насока следење на: ефективноста на HR функцијата, HR одделот, човечкиот капитал во организацијата, неговите карактеристики и однесувања, како и успехот на целокупната  организацијата
• Применување функции и изработка на основна дескриптивна HR аналитика во Excel
• Користење Pivot Табели при трансформирање на податоци во визуелизации и изработка на интерактивни/динамични извештаи во Excel
• Аализирање, интерпретирње и презентирање на динамични извештаи
• Развивање и користење модели на предиктивна аналитика, односно модели за предвидување на идни можни сценарија и случувања во доменот на HR
• Запознае со софтверски алатки за моделирање и предвидување на податоци базирани на вештачка интелигенција, со фокус на превенирање и намалување на доброволниот одлив на кадри од организацијата

Сертификат за завршена обука од Цертиадриа ДОО