Kодирање со Python & CoffeeScript | Детски Едукативен Центар

Курсот Кодирање со Python и CoffeeScript се одвива на online платформата CodeMonkey. Интерактивната платформа е креирана да го задржи вниманието на децата преку забавните активности во форма на игра, истовремено овозможувајќи им на децата лесно да навлезат во областа програмирање.

Во текот на оваа обука децата ќе се запознаат со основните концепти на програмските јазици Python и CoffeeScript. Преку употреба на овие програмски јазици децата ќе ги научат основните концепти за дизајн на компјутерски игри, програмирање, креирање на игра и креирање на “chatbot”.

Moдул 1:  Game Builder – децата ја учат основата и концептите за дизајн на игри. Преку употребата на програмскиот јазик CоffeeScript ќе научат како да дизајнираат и да изградат онлајн игра. Програмата е составена од процес поделен во 3 фази, кој ги насочува децата да станат креатори на компјутерски игри.

• “Platformer” – прва фаза – се учат основите на креирање и дизајн на игра, го усовршуват корисничкиот интрерфејс и механиките на играта вклучувајќи: keyboard events, timers, collide events итн.

• “Frogger” – втора фаза – децата учат како да креираат уникатна игра базирана на постоечката игра Frogger. Во оваа фаза тие ќе научат да контролираа интерфејси на таблети и телефони и ќе се воведат во програмирањето на мобилни игри.

• “Sprite Animations” – трета фаза – децата ќе научат да програмираат, дефинираат и применат слики, анимации и графички елементи во игра.

Модул 2:  Banana Tales – децата ќе го користат програмскиот јазик Python во програмирањето и креирањето на игра.

Python е програмски јазик со општа намена, разновиден и популарен програмски јазик. . Учениците ќе ги научат основните и некои од напредните концепти на Python кои ќе ги применат во форма на игра.

Преку овој модул, ќе ги зајакнат нивните способности за примена на концепти како: програмирање во низи и индекси, циклуси, употреба на променливи, ако/тогаш услови, функции и класи. Платформата која се користи во курсот е лесна за следење и е исполнета со разни предизвици кои учениците ќе ги решаваат на интуитивен начин.

Модул 3:  Coding Chatbots – користејќи го Python во форма на игра децата ќе научат да кодираат “chatbot” и како истиот се употребува во реалноста. Децата постепено ќе учат различни аспекти на кодирање во Python како:

• Variables / Променливи
• Loops / Циклуси
• Numbers & Boolean / Бројки и точно-неточно
• Chatbot development/ Програмирање на “chatbots”
• Classes / Класи
• Class Methods / Методи на класи
• String Manipulation / Манипулација на текст
• Python built-in Functions / Вградени функции на Python
• Data Structures / Типови на податоци
• Conditionals / Услови
• Server side programming / Програмирање на сервер

Деца на возраст од 10 до 12 години

Потребно предзнаење:

• Основен курс за кодирање

• Преку обуката децата ќе се запознаат со два програмски јазици, Python и CoffeeScript

• Ќе развијат критичко мислење и ќе ja разберат суштината на проблемите, ќе научат да анализираат различни проблеми и да испланираат низа на чекори и пресметки да ги решат истите

• Децата ќе се запознаат со клучните алгоритми кои го рефлектираат и поттикнуваат компјутерското размислување и ќе научат како да го препознаат соодветното алгоритмичко решение за даден проблем

• Преку тимска работа и активности за учење во група, ќе се развива способноста за критичко расудување, креативност и самодоверба кај децата

Сертификат за посета на курс издаден од Семос Едукација