Семос Едукација со презентација на програмата „Python + AI – full stack mini academy“ во гимназијата „Орце Николов“
Во рамки на активностите за промоција на дигиталната писменост и поддршка на младите во нивниот професионален развој, Детскиот едукативен центар при Семос Едукација на 20 октомври 2025 година реализираше едукативна презентација во СУГС „Орце Николов“ – Скопје, едно од најпознатите гимназиски училишта во земјата, препознатливо по својот фокус на природно-математичките науки и современите наставни пристапи.
Инспиративна средба со идните генерации на програмери
Презентацијата беше посветена на стручната програма „Python + AI – full stack mini academy “ наменета за средношколци, која им овозможува на младите да направат свои први чекори во светот на програмирањето и вештачката интелигенција. На двете смени на училиштето беа присутни повеќе од 100 ученици од сите четири години, кои со голем интерес ги следеа содржините и поставуваа прашања поврзани со примената на технологијата во различни индустрии.
Учениците имаа можност да дознаат како изгледаат првите чекори во креирање на апликации, развивање на алгоритми и работа со податоци, како и на кој начин овие знаења се поврзани со реалниот свет и идните професии во ИТ-секторот.
Презентери и соработници
Настанот беше реализиран од страна на:
· Елена Петковска, менаџер на Детскиот едукативен центар при Семос Едукација
· Тамара Илиева и Марко Ѓеоргиев, предавачи и технички лица во областа на Python и AI
Посебна благодарност до директорот на училиштето, Марјан Пулевски, и професорката по информатика Кристина Ристовска, за поддршката и соработката при организацијата на настанот. Благодарение на нивната иницијатива и отвореност кон иновации, учениците имаа можност одблиску да се запознаат со современите трендови во ИТ-образованието.
Мисијата на Детскиот едукативен центар
Преку своите програми, Детскиот едукативен центар на Семос Едукација ја гради идната генерација на млади ИТ професионалци, поттикнувајќи кај учениците љубопитност, критичко размислување и вештини од областа на програмирањето, аналитиката и дигиталната технологија.
Програмата „Python + AI – full stack mini academy “ е дел од специјално развиените обуки за средношколци кои сакаат да стекнат практични, применливи знаења и да изградат солидна основа за понатамошно образование и кариера во ИТ-секторот.
Погледнете дел од атмосферата
Започни ја својата ИТ-приказна со Семос Едукација
Ако си средношколец и сакаш да го направиш првиот чекор во програмирањето, вештачката интелигенција и анализа на податоци — програмата „Python + AI“ е идеален почеток! Откриј како технологијата може да стане твоја иднина, со ментори кои секојдневно работат во ИТ-индустријата и пренесуваат реално, применливо знаење.
👉 Пријави се денес и започни со учење во Детскиот едукативен центар при Семос Едукација.