AI обуки за млади претприемачи во Вештачка интелигенција
Повик за апликација
За учество на обуки за вештачка интелигенција за млади претприемачи
ПОДДРЖАНА ОД ЕВРОПСКА БАНКА ЗА ОБНОВА И РАЗВОЈ (ЕБОР)
СЕМОС Едукација, во рамките на проектот „Зајакнување на вештините на младите претприемачи со Вештачка интелигенција“ (Enhancing Skills of Young Entrepreneurs through Artificial Intelligence), финансиски поддржан од програмата на ЕБОР, отвора повик за апликации.
Целта на програмата е да им овозможи на младите претприемачи практични и флексибилни знаења за примена на AI алатки во деловното работење и да ја поттикне нивната конкурентност и иновативност.
ПОВИК
Се повикуваат мали и средни претпријатија да се пријават за учество на обука поврзана со примена на вештачка интелигенција (АИ) во бизнисот.
Повикот е наменет за:
Млади лица до 35 години кои се сопственици и/или управители на мали или средни претпријатија кои активно работат минимум 1 година.
ШТО ДОБИВАТЕ СО ОВАА ПРОГРАМА?
1. Microsoft Copilot – користење на AI за продуктивност, анализа на податоци, комуникација и креирање документи. | 6 часа
Обуката е практично ориентирана и им овозможува на учесниците директно да работат со Microsoft Copilot во апликациите од Microsoft 365. Преку реални примери и вежби, ќе учат како да:
- • Креираат и уредуваат документи во Word со помош на AI (генерирање текст, сумирање, ревизија).
- • Автоматски составуваат и одговараат на е-пошта во Outlook, со соодветен тон и структура.
- • Анализираат податоци, креираат формули и визуализации во Excel, без потреба од напредно техничко знаење.
- • Генерираат презентации во PowerPoint од текст или табели.
- • Користат Teams за ефикасно водење состаноци, белешки и задачи.
- • Работат со Copilot Chat како дигитален асистент за пребарување документи, пишување пораки и решавање задачи
Времетраење: 6 часа
2. ChatGPT и AI алатки – обука за истражување на пазар, подобрување на продажба и маркетинг, креирање содржини, визуелизации и стратегии за развој.
Обуката нуди практична примена на ChatGPT и други AI алатки за автоматизација на задачи, креирање маркетинг содржини, анализа на комуникација со клиенти и истражување на пазарот. Учесниците ќе научат како да користат генеративна интелигенција за подобрување на продажбата, развој на производи и визуелна презентација преку алатки како Sora, со цел да креираат стратегии за раст и позиционирање на пазарот.
Времетраење: 6 часа
3. Маркетинг и социјални мрежи со AI – стратегија, креирање содржини, визуелен идентитет, органски и платени кампањи.
Оваа тематска работилница е наменета за учесници кои сакаат да ја засилат својата онлајн присутност и продажба преку паметна употреба на AI алатки. Преку практична работа со ChatGPT и други визуелни AI алатки (Canva AI, Microsoft Designer, Adobe Express), учесниците ќе научат како да креираат маркетинг стратегии, содржини и кампањи кои привлекуваат внимание и водат кон конверзии. Ќе се работи на оптимизација на профили на Instagram, Facebook, TikTok и LinkedIn, креирање визуелно привлечни објави, и развој на органски и платени кампањи преку Meta Ads. Посебен акцент е ставен на користење на AI за креирање приказни кои продаваат, без потреба од голем буџет. На крајот, учесниците ќе имаат развиена персонализирана AI-стратегија за продажба, оптимизирани профили и конкретни алатки за секојдневна примена во дигиталниот маркетинг.
Времетраење: 6 часа
4. Менторство (индивидуални, online, 2 часа)
- • Персонализирана поддршка за примена на AI решенија во компанијата.
- • Развивање мини план за дигитална трансформација, конкретни алатки и содржини.
5. Networking настан – кој ќе вклучи презентација на финални проекти, размена на искуства и можност за вмрежување со експерти од различни индустрии.
👉 Пополнете ја формата за апликација тука:
Финансиска партиципација:
- • Секој учесник ќе има партиципација од 50 евра
Критериуми за пријавување на компаниите:
- • Компанијата треба да биде активна минимум една година.
- • Компанијата треба да има сопственик и/или управител кој е на возраст до 35 години.
- • Управителот мора да биде наведен во тековната состојба на компанијата.
Начин на пријавување:
- • Пријавувањето се врши по електронска пошта и телефонски повик на:
📧 kristina.taseva@semos.com.mk
+389 78 566 770 - • Потребни документи:
- 1. Тековна состојба на компанијата
- 2. Кус опис на компанијата
Дополнителни информации:
- • Избраните компании номинираат еден вработен кој ќе учествува на проектот.
- • Работилниците започнуваат на 15.11.2025.
Не ја пропуштајте можноста!
Научете како AI може да го трансформира вашиот бизнис