Кариерен саем 2025 во Семос Едукација: Поврзување на талентите со вистинските можности
На 28 мај, во новоотворените простории на Семос Едукација, се одржа Најголемиот Кариерен саем за 2025 година– настан кој собра над 250 слушатели и студенти, како и повеќе од 40 компании од различни индустрии во Македонија. Под мотото „Дојди, покажи се и биди препознаен“, овој саем беше уникатна можност за директна комуникација меѓу младите таленти и водечките компании на македонскиот пазар.
Настанот беше креиран како динамична платформа за вмрежување, speed dating интервјуа, активности и размена на искуства, со цел да се доближат слушателите до реалниот пазар на труд и да се охрабри нивниот кариерен развој.
Компании од најразлични индустрии
На саемот учествуваа компании од банкарскиот, ИТ, маркетинг, едукативен и производствен сектор. Дел од присутните брендови беа: NLB Банка, Стопанска Банка, Halk Банка, Sparkasse Банка, Tech компаниите Aspekt, Scalefocus, MIKROSAM, Frontwise Group, Agile Pro Solutions, Nion, BetOxygen, Support and Solutions, GalactikOmnivore, Sopro, маркетинг агенциите McCann Skopje, AdValue, Monks, како и East Gate Mall, Neptun Makedonija, Mak Sistems, LEORON Institute, A1 Makedonija, CPP, Infinite Solutions, Bransys, Kariera MK, EOS, Maliqi Group, Alkaloid AD Skopje, British American Tobacco- BAT, Cyber Protection and Privacy Services – CPP, FLEX CREDIT, Центар за управување со знаење – ШансаЗаТебе, Acibadem Sistina,Прима Мебел, Триглав Осигурување и многу други.
Активности што ја збогатија агендата
Кариерниот саем понуди повеќе од можности за интервјуа. Покрај кратките 1-на-1 средби со компании, учесниците беа дел и од неколку креативни и интерактивни активности:
- Работилница „Шест страни на успехот“ – интерактивна сесија со специјално дизајнирана коцка што иницираше разговори помеѓу студентите преку различни теми поврзани со личен и професионален развој. Преку споделување мислења и искуства, студентите имаа можност да се поврзат, научат и инспирираат едни од други.
- Ѕид на емоции – по завршените интервјуа, студентите оставија свои искуства и емоции преку кратки пораки и симболи, создавајќи колективна слика за тоа како изгледа еден ваков кариерен чекор низ очите на млади професионалци.
- Предизвици и награди – студентите имаа можност да учествуваат во серија на креативни предизвици кои ги охрабрија да излезат од својата комфорт зона, да се вклучат во повеќе разговори и интервјуа, и за тоа беа наградени со симболични подароци.
Кариерниот саем 2025 беше повеќе од настан – беше искуство што инспирира, поврзува и создава можности. Саемот уште еднаш го потврди значењето на блиската соработка помеѓу едукативниот сектор и бизнис заедницата, како темел за градење на подготвени и мотивирани професионалци.
