Како да го препознаете вистинскиот бизнис проблем и да предложите решение што создава вредност?
Курсот „Основи на бизнис анализа“ ви овозможува да стекнете практични знаења и техники за идентификување бизнис потреби, анализа на процеси, дефинирање барања и проценка на можни решенија.
Ќе научите како да ги поврзете бизнис предизвиците со стратегиските цели на организацијата, да подготвите Business Case и да ги процените очекуваните придобивки од предложените промени.
Преку реални деловни сценарија, практични примери и задачи, ќе развиете аналитички пристап кон решавање проблеми и донесување аргументирани бизнис одлуки.
Од препознавање на проблемот до предлагање решение, научете како бизнис анализата придонесува за подобри одлуки и поефикасно работење.
Програмата опфаќа шест тематски целини кои го следат процесот на бизнис анализа, од идентификување на проблемот до планирање на придобивките.
01. Бизнис анализа и стратегиски контекст
- Улога на бизнис аналитичарот и процес на бизнис промена
- Идентификување бизнис проблеми, потреби и цели
- Стратегиска анализа: SWOT, PESTLE и Porter’s Five Forces
- Поврзување на бизнис целите со KPI
02. Истражување на потребите и засегнатите страни
- Техники за прибирање и анализа на информации
- Анализа на причините за проблемите: Fishbone и 5 Whys
- Идентификување и анализа на засегнатите страни
- Дефинирање улоги и одговорности со RACI
03. Анализа и подобрување на бизнис процеси
- Мапирање и моделирање бизнис процеси
- Анализа на постојната и посакуваната состојба (AS-IS / TO-BE)
- Идентификување неефикасности и можности за подобрување
- Основи на Lean и DMAIC методологии
04. Дефинирање решенија и бизнис барања
- Gap Analysis и идентификување можни решенија
- Дефинирање и документирање бизнис барања
- Приоритизација на барања со MoSCoW
- Критериуми за прифаќање и следливост на барањата
05. Business Case и проценка на инвестиции
- Подготовка и структура на Business Case
- Анализа на трошоци, придобивки и ризици
- Основи на финансиска проценка: Payback Period, NPV и IRR
- Споредување инвестициски опции и формулирање препораки
06. Управување со промени и реализација на придобивки
- Подготвеност на организацијата за промени
- Управување со отпор и планирање транзиција
- Следење на барањата и контрола на промените
- Планирање и мерење на очекуваните бизнис придобивки
Практична работа
Во текот на курсот, учесниците работат на практично деловно сценарио, применувајќи ги научените техники за анализа на проблем, дефинирање барања, проценка на решенија и планирање придобивки.
Курсот е наменет за професионалци кои сакаат да ги развијат своите аналитички вештини и да придонесат за подобрување на бизнис процесите и донесувањето одлуки.
Особено е корисен за:
- Идни и почетни бизнис аналитичари кои сакаат да изградат основа за кариера во бизнис анализа.
- Проектни и програмски менаџери кои управуваат со проекти и организациски промени.
- Product Owners и Product Managers кои дефинираат бизнис потреби и развиваат решенија.
- Менаџери на процеси, операции и тимови кои сакаат да ја подобрат ефикасноста.
- Консултанти и бизнис професионалци вклучени во оптимизација и трансформација на организации.
- ИТ професионалци кои соработуваат со бизнис тимови и корисници.
Предзнаења: Не е потребно претходно искуство во бизнис анализа. Пожелно е основно познавање на деловни процеси или проектна работа.
По завршувањето на курсот ќе можете да:
- Идентификувате бизнис проблеми и да ги поврзете со стратегиските цели на организацијата.
- Анализирате бизнис потреби и да ги препознаете вистинските причини за проблемите.
- Мапирате и анализирате процеси и да идентификувате можности за нивно подобрување.
- Дефинирате и приоретизирате бизнис барања за развој на соодветни решенија.
- Споредувате можни решенија врз основа на трошоци, придобивки и ризици.
- Ги применувате основите на Business Case за проценка и оправданост на инвестиции.
- Планирате и следите бизнис придобивки од предложените промени.
Краен резултат: Ќе стекнете структуирано разбирање на бизнис анализата и практична основа за активно учество во проекти за подобрување процеси, развој на решенија и организациски промени.
По успешно завршување на курсот, учесниците добиваат сертификат за завршена обука од Семос Едукација, како потврда за стекнатите знаења од областа на бизнис анализата.